Psa 54 | MEU | STEP | Dirava e, oi ladamu amo ba hamaurigu, oi goadamu amo ba gwauraigu maoro.

Psalms 54

1 Dirava e, oi ladamu amo ba hamaurigu,
oi goadamu amo ba gwauraigu maoro.
2 Dirava e, egu noinoi a kamonai,
lau udugu herevadia ba hakala henidia.

3 Badina be asi edia hemataurai taudia vada e tore isi,
lau ihadikagu totona;
daḡedaḡe taudia ese egu mauri iabi-ohona e tahuamu,
idia lalodia ai na Dirava asie hanohoamu. (Selah)
4 A itaia, Dirava na lau ikahagu,
Ḡaubada na egu mauri imudana.
5 Lau inaigu na dava dikana baine henidia;
emu momokani ai ba habuadia tari.

6 Egu lalo-namo ai egu boubou ḡauna baina hahelaḡaia oiemu;
Iehova e, oi ladamu baina hanamoa,
badina be ia na namo.
7 Badina be oi ese hekwakwanai iboudiai lalodia amo vada o harohogu mauri;
inaigu na egu kwalimu ai na itadia nenenenemu.